Үйл ажиллагаа | Монголын Үндэсний Дроны Холбоо

Олон улсын хамтын ажиллагаа

Дэлхийн 48 улсыг гишүүнээр нэгтгэсэн Дэлхийн Дроны Холбооны (World UAV Federation) урилгаар Монголын Үндэсний Дроны Холбоо тус холбооны VIII Их хуралд оролцсон. Их хурлын үеэр Дэлхийн Дроны Холбооны үүсгэн байгуулагч, ТУЗ-ийн дарга Янг Жин Цай Монголын Үндэсний Дроны Холбооны ТУЗ-ийн дарга А.Батсүхийг тус холбооны Монгол Улс дахь салбар хорооны ерөнхийлөгчөөр томилсон батламжийг гардуулсан.

Улмаар МҮДХ нь БНСУ-ын 3 олон нийтийн байгууллага, 1 их сургууль, дотоодын 2 төрийн байгууллагатай хамтран ажиллах санамж бичиг байгуулж, хамтарсан сургалт, хүний нөөцийг чадавхжуулах, хиймэл оюун ухаант дроныг турших зэрэг хөтөлбөрийг хэрэгжүүлэхээр бэлтгэл ажлыг хангаж байна. Дэлгэрэнгүйг Хамтын ажиллагаа хуудаснаас үзнэ үү.

ҮНДСЭН ҮЙЛ АЖИЛЛАГАА

ГЛОБАЛ

ИНТЕГРАЦ

Дэлхийн болон бүс нутгийн дроны нэгдмэл байгууллагуудад стратегийн түншээр нэгдэж, олон улсын стандарт, эрх зүйн зохицуулалтыг эх орондоо нутагшуулах замаар салбарын хөгжлийг түүчээлэгч байгууллага болох.

МЭДЛЭГ, ЧАДАВХЖУУЛАЛТ

Салбарын хүний нөөцийг мэдлэг, дадлага, туршлагад суурилсан цогц хөтөлбөрөөр чадавхжуулж, олон улсын жишигт нийцсэн үндэсний мэргэжилтэн бэлтгэх.

ИННОВАЦИ НУТАГШУУЛАЛТ

Олон улсын дэвшилтэт технологийн дамжуулалтыг үе шаттайгаар хэрэгжүүлж, түүнд суурилсан салбарын инновацыг үндэсний хэмжээнд нутагшуулан, өндөр технологийн хөгжлийг түүчээлэх

ЗӨВЛӨХ ҮЙЛЧИЛГЭЭ

Байгууллагын дижитал шилжилтийг эрчимжүүлэх зорилгоор нисгэгчгүй нисэх төхөөрөмжийн хөрөнгө оруулалтын өгөөж (ROI), нислэгийн аюулгүй байдал болон хүний нөөцийн стратегийн цогц зөвлөх үйлчилгээ